Saturday, April 19, 2008

محادثة مع صديق

مؤخرا و من خلال فيسبوك وجدت أحد أصدقاء المدرسة.. أولاً و قبل ما أنسى.. كالعادة المفروض الكلام ده كان هيتكتب من مدة بس مكنش في وقت.. حاجة تانية الناس هتسأل قلبت عربي (لو اعتبرنا إن الهباب ال بكتبه ده عربي) ليه مش franco ده أو إنجليزي.. هقولك عشان ابتدت أحس إن مش مدي العربي حقه و بالتالي خايف افقده..

يرجع مرجعنا لموضوعنا.. مؤخراً (مؤخراً دي يعني ساعتها.. هو دلوقتي بقالنا سنة من ساعة ما بقينا نتقابل تاني) و عن طرق facebook رجعت أقابل واحد من صحابي من أيام المدرسة.. خريج هندسة (ماكنش اتخرج لسة ساعتها).. و اكتشفت إن كان في student activities بردو في الكلية و كدة.. المهم.. اعدنا نتكلم مين عمل إيه و صحابنا ال في المدرسة راحو فين و في كليات إيه و مين اتجوز و مين خطب و مين مش عارف إيه..

المهم في وسط الكلام.. و على سيرة ال student activities في الكلية, اتكلمنا على التالي.. لو حد قرأ مقدمة إبن خلدون أنا لم اقرأها طبعاً.. المهم بردو.. من المقدمة ما معناه التالي: إن كل حضارة لها دورة حياه (زيها زي ذبابة الفاكهة :D) بتبدأ بتخلف و بعدين بيظهر رواد بيتعبوا أوي و بتقم بداية الحضارة على مجهوداتهم و مش بياخدوا حقهم أوي في زمنهم .. و بعد الرواد دول بيبتدي يظهر ناس تأثيرهم مش زي تأثير الرواد بس بياخدوا حقهم و زيادة في زمنهم.. و بعدين بتمشي الحضارة دي بالقصور الذاتي شوية بعد ما وصلت للذروة (peak) و بعدين بتنزل تاني لتحت للتخلف.. و لف تاني بقى يا سيدي في الدورة دي..

طبعاً اللف ده مش بيحصل في سنة ولا عقود حتى.. غالباً قرون.. وخلص كلامنا إلى التالي.. إن ليه مايكونش احنا في اواخر العهد بتاع التخلف.. أو يمكن أحسن كمان.. ليه منكنش في بداية العهد بتاع الرواد.. فاكرين وحنا صغيرين.. مكناش بنسمع غير عن حاجة اسمها شباب بيعمل أي حاجة للبلد.. دلوقتي صحيح بنسمع عن مصايب أكتر (غالباً عشان الاعلام بقى مفتوح أكتر مش عشان في بلاوي أكتر) بس في نفس الوقت كل حتة بتلاقي فيها على النقيض شباب بيعمل حاجة للحوله..

ليه منكنش فعلاً في المرحلة دي.. شاركونا رأيكم بقى :D.. و بلاش مألسة لو سمحتم..

أخيراً أحب اشكر حبيبي yamli الله يعمر بيتهم =D

4 comments:

Mohammad Nabil Al-Aggan said...

we are isA i know , and u know lots of ppl who are good and willing to make a change and isA they WILL...

Ahmed Essawy said...

الحمد لله اخير ربنا هداك بقيت تكتب عربي
بس انا معرفتش اقراه برضو قوي علشان العربي بتاعك مدمر اساسا و كمان
الكلام رايح يمين في شمال

المهم علشان الاتجاه بتاع الكلام يتظبط
حد
الكود دا الاول و بعيد ابدأ اكتر حتلاقي كل حاجه متظبطه معاك

اعتبر
#
هي فتحه او قفله التاج علشان مش راضيه تعدي في الكومنت

#div style="text-align: right;" dir="rtl"#

#/div#

sh@dy said...

Done!! RABena maye7remna menak ya beah.. mestane menak comment 3al content mesh l format btw :D

Ahmed Essawy said...

يسمع من بوقك ربنا ....
المهم بس الفترة دي متطولش اكتر من كدا ...

توقعي الشخصي المتشائم نتيجه ما اراه حولي... ان الدنيا حتدهور اكتر من كدا... بس دا لا يمنعني من اني اعمل واجبي تجاه مجتمعي بما يرضي الله و في قدر استطاعتي...

Disclaimer

All the opinions expressed on this blog are my own and don't necessarily represent my employer's positions, strategies or opinions.