البوست ده مكتوب من زمان بس معرفتش انشره عشان حوارات كتيرة من بينها إنه كان مكتوب فرانكو ومكنتش عارف اشغل Microsoft Maren على الماكينة بتاعتي.. ده على أساس إنه الأنا كاتبه ده فارق كتير عن الفرانكو :)
الايام إلي فاتت خاصةً بعد خطاب اوباما خبط في كذا حاجة اونلاين بتشتم في الخطاب . طبعاً هو أصلاً نص الناس إذا كان جوا ولا برة بيشتمو.. نصنا احنا بيشتم في إنه أهو كله كلام و إنه حتى فيه كلام معجبهوش أو في كل الكلام معجبهوش و نصهم برة مش عجبو إنه قال كلمتين إحتمال يدو إنطباع و لو من بعيد كدة إن العرب و المسلمين دول كان لهم أي لازمة في الحياة.
الحاجات ال أنا خبط فيها بقى مش بتتكلم على خطاب بذات.. هم مبتدئين من نقاط قالها اوباما في الخطاب عن المسلمين\العرب.. انهم عملوا و سووا.. و ماسكين الكلم ده بيفندوه..الخلاصة من كلامهم و العاوزين يوصلوه ان الفترة من القرن الخامس للقرن السادس عشر (القرون الوسطى) كانت فالضياع..يعني من ايام عمك سقراط و ارسطو والعالم القديمة ديه..هباااا.. لنيوتن و جاليليو والعالم الحلوة دي عِدِل..مفيش حد كان ليه لزمة كده فالنص خالص.. :D
و ان الحضارة الاسلامية دي معملتش اي حاجة في اي حاجة خالص.. وانهم كانوا و مازالوا عالم همج والمفروض نخلص البشرية منهم..
المشكلة إنه أنا مبحبش الميل (بص على بوست ده) بتقعد تهيج الناس و "بصوا على موقع مش عارف إيه عشان ده بيهاجم مش عارف مين"... ببساطة عشان كل البيحصل إن الناس على المواقع و الفيديوهات و الصور دي أكتر و ردود المسلمين المعتدلين مش بتبان و البيبان بس المتعصبين من عينة "يا كافر هاقتلك و هتولع في نار جهنم..." و عادةً بيبقى ده رد طبيعي فعلا لتعليقات من نفس المستوى من وجهة النظر التانية.. ببساطة بردو كل البيحصل إنه الصورة النمطية (stereotype) بتاع إن أي مسلم/عربي == متخلف/همجي/متعصب بيثبت أكتر عند الناس المش عاوزة تقتنع بغير كده.
و من هنا قررت الآتي.. كل شوية لما أشوف حاجة من التسد النفس دي هادور على مقال على ويكيبيديا ولا فيديو ولا أي حاجة (غالبا بالإنجليزي) بتتكلم عننا بإعتدال و انشرها هنا ولا على توتير ولا جوجل ريدر.. كيفما اتفق .. حاجة مش كبيرة آه.. بس على الاقل مش هاعمل حاجة أنا شايفها غلط.. و في نفس الوقت مش هتلكك و أقول مش فاضي..
No comments:
Post a Comment