Tuesday, May 29, 2007

حلم يقظة...الصراحة مش لاقي اسم تاني لو لأيت ابقي كومنت و قولي

البلوج انتري ده كان المفروض يتكتب من زمان...بس مجتش فرصة...اني واي...اسمع يا سيدي...في مرة من ذات المرات و انا في مشاوير التأجيل بتاع الجيش بتاعي...كنت بعمل حاجة اسمها قيد عائلي...من السجل المدني...و بعد لف طويل على جميع السجلات المدنية الي أعرفها...عشان محدش عارف المفروض اروح السجل المدني الي انا اتولدت في ديرته ولا العايش جامبو ولا السجل المدني الرئيسي...

المهم...بعد وصلت للسجل المنشود...لاقيت وحدة ست هناك خدت الورق مني....اه و خدت القلم بتاعي كمان بصنعة لطافة...يلا ربنا يسهلها...و قالتلي اجي تاني يوم...هو مش تاني يوم بضبط كان تاني يوم عمل "working day" عشان كنت اكتشفت السجل الي عليه العين يوم الخميس...فهي قالت اجي السبت...انا مصدقتش نفسي...الموضوع هيخلص في يوم عمل واحد...ايه التفاني ده...برغم اناها خدت القلم...لكن بجد...انا مبسوط بيها...

و قغدت وأنا في السكة للبيت...افكر بقى في المكتب الي اساسا ميعتبرش فيه مكتب الي أنا رحته ده...و موضوع الجيش...لو بقي في يوم من الايام بقى مميكن "automated" يعني...تخيل معايا بقي...بدل ما الناس على الميل جروب كل واحد يقول معاد لكل حاجة...عشان العسكري الي في القسم فتى عليه بحاجة شكل...لأ كل واحد قبل ما يجي معاد جيشه...يجيلي ميل ولا مسج على المحمول...ولا يكلموه في التلفون...او حتي يبعتوله على عنوانه جواب...ده بقي يخليك تفكر اذاي يعرفوا الحجات دي كلها الـ"contacts" بتعته يعني...فيجي في دماغي ان كل مواطن يبقي لي حساب "account" يدخل و يكتب بقي الكنتكتس ذي ما هو عاوز...و يبقى يغيرها كل شوية ذي ما هو عاوز...بدل الي بيحصل دلوقتي...تلاقي واحد عنده 70 سنة و مكتوب في البطاقة "طالب"...عشان لو فكر يروح يغيرها هيعد يلف شهر...ولا واحد العمارة الي كان عايش فيها وقعت اساسا...و مع ذلك مكتوب في البطاقة انه لسة ساكن هناك...

و كمان شفت في حلم اليقظة ده...خير اللهم اجعله خير...ان الواحد بدل ماهو عمال يلف عشان املا ورق في الجيش من ورق في السجل المدني...و ورق مش عارف منين يستلموه منك...عشان يملوا به ورق تاني بنفس الداتا...انهم في الجيش...انت مش بتروح تلف تملا الورق...يعني مثلا الي لي اعفاء عشان كبير عيلا مثلا ولا عائل وحيد ولا اخو اصلا في الجيش دلوقتي...مش هيعد يلف عشان يجيب ورق يثبت...مهم بقى عندهم اكونتس للمواطنين كلهم...و عرفين مين بيدرس و لسة مجاش جيشه....و مين اخو في الجيش و مين كبير اخواته... و مين الي ملوش اخوات خالص...فانت بدام عارف انك ملكش جيش...و مجلكش ولا ميل ولا مسج...ولا كلموك في التلفون...ولا بعتولك على بتكم يقلولك تعالى عشان جيشك...يبقى انت في السليم...و في نفس الوقت لو ليك جيش...تقدر تدخل...تعرف امتى ميعاد الكشف الطبي...خد بالك معاد الكشف بس مش معاد تسليم الورق...عشان اساسا مفيش ورق...الناس هناك عارفة كل حاجة عنك و مش محتاجين الورق... اه و لو عاوز تخطط لحياتك....و تعرف اذا كنت هتدبس جيش ولا لأ و لو احتمال تدبس هتدبس قد ايه...و من امتى...ادخل و بص...

صحيت بقى من الحلم الجميل ده...على طوبة في دماغي...رحت يوم السبت...لقيت راجل و الست مش موجودة...قلت مش مهم...اسألوا على الورق...قلي موجود...بس لسة متعملش...قلتلو ليه يا باشا...يا ابن ....الباشا...قلي في ورقة...لازم اجبها...فكركو كان المفروض اجبها منين...من السجل المني بردو بس الرئيسي...يعني حتة هوة اصلا تبعها...يعني اصلا من غير ميكنة ولا نيلة...بس هو يرفع سماعة التلفون يسأل عن المعلومة وي ينجز....لكن اذاي....ميبقاش موظف محترم لو عمل كدا...

المهم...رحت جبت الورق...و الحمد لله...خلصت الورق...المرادي بابا كان معايا...و هو الادى الراجل قلم...اه...مقلتلكوش...وحنا دخلين القسم الي فيه السجل...لازم واحد قاعد على الباب كدا ياخد اسماء الناس الدخلا.....المهم بردو كان معاهوش قلم يكتب وحنا دخلين...فبابا اداله القلم يكتب بي اسماءنا و خلا الغطاء في ايدو...مفيش فيدا بردو كان هايخد القلم لولا بابا قال له هاتوا....تقريبا كان في عجز في الاقلام ساعتها عندهم...

المهم الحمد الله...انا احسن من الاساطير الي اخواتنا الي راحوا الهيكستب حاكوها...ربنا يستر عليهم...و يستر علي الناس الي لسة دخلة...و يستر على الناس الي لسة هتقدم نص تاني...

الفوق ده مكتوب من زمان زي ما انتو شايفين...احب ازود كمان و يكون في عون ال ادبسو فعلا خلاص و طلعان عين الـ...اصدي طلعان عينهم...و حسبي الله و نعم الوكيل...بالمناسبة برضه انا مش عارف اشمعنى الانتري ده كتبتو بالعربيزززانا حتى بكتب الحبة دول بالعربي (قال يعني الي انا بهببو ده عربي) عشان عمو اسامة و هيما (ربنا يرجعو بالسلامة) يمبسطو مني J

2 comments:

khaled adel said...

يا عيني عليك يا شادي
لما كل ده وانت مدخلتش جيش
امال لو دخلت هيحصلك ايه
بجد ربنا يستر علينا
اه وبالنسبة للأسم ممكن يبقى تخاريف بدل احلام يقظة

sh@dy said...

lol...dah 3ashan te3raf...de ra7met RABena ba2a be 3abedo...

Disclaimer

All the opinions expressed on this blog are my own and don't necessarily represent my employer's positions, strategies or opinions.